Текст песни نفسى أفجّر - Cairokee

انزل الشارع و شوف بعينيك
و انت فى طريقك بص بصة حواليك
سيبك من النخبة المثقفين
هو الشارع هيقولك الحقيقة فين
مفيش تربية و مفيش تعليم
مفيش نظام و مفيش قوانين
العالم بيجرى و احنا فى مطرحنا
و بنتخانق فى عز الزحمة
مقضيينها شتيمة و سب
و الصوت العالى دايما يكسب
عايشين فى سباق و مفيش اخلاق
مفيش حساب مفيش عقاب
انا مش هزوق فى كلام
انا مواطن انا شاهد عيان
نفسى افجر الشوارع و الطرق
كل يوم دمى بيتحرق
خلاص الشارع مبقاش فيه رحمة
قضيت نص حياتى فى الزحمة
نفسى اركب جناحات و اطير
نفسى اقول كلام كتير
سواق التاكسى كرهنى فى نفسى
و الميكروباص بيدوس على الناس
و الناس كلها ماشيين بالعكس
مفيش دم و لا احساس
بنات بلدنا بيتحرشوا بيهم
و القانون مش عارف يحميهم
و المخدرات فى كل مكان
حشيش, ترامادول, بيسة, برشام
نظام قديم زى الجديد
و كله ماشى بالتعريض
نفسى افجر الشوارع و الطرق
كل يوم دمى بيتحرق