Текст песни Aleklakel - Matoub Lounes

Tecfam!
Tecfam mi d-teḥder tisin
Akken ad ken-εerrin
S yisendyaq n ṭaḍamun
D lfeṭṭa neɣ d tiwiztin
Ihi s kra din
Uwin-t ɣzan-as aḥḍun
Lesrar n tudrin
Uwḍen Palistin
Nekkni nettnaɣ ɣef temẓin
Wiyad di rrbeḥ ttεumun
Lmal mi d-yeffeɣ addaynin
Iḥerr tasga d lkanun
A lexlaxel ay yuɣen imdanen daxel
Tnayen-u-settin ma ad as-necfu
Nɣill d amezyab n lehna
Nerfed leεlam ncennu
Aql-aɣ nessufeɣ Fransa
Bu-uεmam ass-n i t-nettu
Yesmar burku
Yessenṭeḍ di mkul lǧiha
Yufeg-d leḥzen am wabbu
Yeqqim-d uɣurru
Tirrugza tenza s rrxa
A lexlaxel ay yuɣen imdanen daxel
Ayen akken tezgel lavyu
Uwin-t ccmayet d ttrika
Di tmazirt uccen la iḥekku
Yeqḍa-d tezdeg d lḥerma
Yekker s axerfi ad t-yehdu
Ad ffɣen ɣer zzhu
Ad εeggden deg yiwet n lḥara
Izem iεebba azaglu
Yurez-it bururu
Awtul yeṭṭef-as ccuka
A lexlaxel ay yuγen imdanen daxel
Lekdeb yerreẓ-d di ssuma
Tidet wi ara tt-id-yaddren
Aεdaw ajaddiw yufa
Leknuz d-ǧǧan wid yeffɣen
Mi akken i as-neqqar ttaḥya
Ttḥaya Ben Bella
I aɣ-neqqen s tuffra irgazen
Di tudrin nettemεassa
Acu yexdem wa
Lxuf iẓerreb ixxamen
A lexlaxel ay yuɣen imdanen daxel
Yesεa udfel tisseḍsa
S tuffra i tt-iḍellu
Ssudnen-aɣ afus nebɣa
Armi t-weεεan i truẓu
Ma d lemtel si zzman yella
Mi d-tmeǧǧeḍ lǧedra
Tḍurr-itt tqabact tettru
Cfiγ yemla-yi baba
Ɣef wasmi i tefra
Si Maṣer i d-isuḍ waḍu
A lexlaxel ay yuɣen imdanen daxel
Ihi a gma acetki ulaḥed
Azrem yuweḍ d talafsa
Ad ak-iniɣ awal sel-d
Xas ini-asen-t azekka
Ma cudden-d rrkeb begsen-d
Seg umesmar kkes-d
Deg uraǧu lfuci teεya
Ma d kumisar ma ibedd-d
Ad t-qableɣ s lqedd
Mi ẓriγ aεerqub-iw yesfa