Текст песни O Dönəcək - PRoMete feat. feck & Ayka

1 (Feck):
Səni səni tanımadığım, yeni, sənsiz vaxtlarımda sevmişdim mən.
Səni səni fikirləşdiyim sənsizliyimdə kəşf etmişdim mən.
Səni dağ zirvəsi bilib ətəklərinə çox uzaqdan gəlmişdim mən.
Sənin zirvədən də yüksəkdə buluddan beşikde körpə kimi yatdığını bilmirdim.
Sən mənim üçün film deyilsən ki, gözlərim sənin sonunu gözləsin.
Baş rolunu oynadığımız bu filmin sonu hər kəsi kövrəltsin sevincdən.
Sən ölümümdə son, doğuluşumda ilk nəfəsim, artdı həvəsim
Yarı olduğumu səni görəndən sonra dərk etdim.
Sənlə əl-ələ gəzdiyimiz küçələrin toz-torpağı doğma (doğma)
Sənlə oturub dalğasına baxdığım dənizin çirkabı doğma.
Sənlə kədərini daddığım o həsrətin xatirələri belə doğma gəlir.
Sənlə yaşadığım sevginin qorxusu doğma, içimi dəlir.
Yadıma düşəndə ki, bu məsafəni dəf edərək yeni görüş gəlir,
Qəfəsə bağlanır sanki zaman, saniyələr uzanhauzan, (uzanhauzan).
Sənə desəm ki, uzaqda gördüyüm şəhərin işıqları saxta gözəllik.
Zövq ala bilmirəm, sənsiz qala bilmirəm, ah, tez geri dönsəm...(tez geri dönsəm)

Nəqarət (Ayka):
Tərk etdiyin o yerdə tək
Hər gün eyni ümidlə gözləyərək.
Tərk etdiyin o yerdə tək
Hər gün eyni ümidlə gözləyərək.
O dönəcək

2 (PRoMete):
Səni məndən ayırsaydı ölüm, bəlkə belə çətin olmazdı,
Hər gün səni fikirləşməzdim.
Daha rahat olardı içim, ağlıyardım hər gün bir az,
Gözüm arxanca qalmazdı.
Şəkillərinə baxardım, qədər ilə razılaşmazdım,
Bir gün ya mətbəx bıçağı, ya da ülgüc dost olardı damarlara,
Bu tərəflərdə səndən ayrı qalmazdım.
Amma nə yazıq ki, yazı başqa,
Sağsan və məndən ayrı, ona görə başqa fikirlər fırlanır başda.
Səni öldürmək hissi keçir içimdən,
Buna görə Günəşim, (Günəşim) məni bağışla.
Sənə yönləndirdiyim cavabsız çağırışlardır
Yəqin, işlərinin tərs getməsinin tək səbəbi.
Qarşısını ala bilmirəm artıq artan əsəbin,
Mən nə bilim ki, nə deyim ki, xoşuna gəlim?
Deyim ki, "səni sevmirəm artıq?!"
Özümə yalan danışa bilmirəm, bunu məndən yaxşı bilirsən.
Yoxsa deyim "səni dəli kimi sevirəm?!"
Yox, səni səndən çox sevəcək qədər ağıllıyam, bunu bilirsən.
Ya da mobil telefon, hələ də adının sonunda "M" hərfi durur.
Sadəcə, mesaj yazacaq qədər mənlik balansında yoxdur qürur (yoxdur qürur).
Tüpürmüşəm zamanla əlaqəli bütün aforizmlərə,
"Zaman unutdurur" kimi boş sözlərə.
Ya da "sevgilinə görə, sevgiyə görə çalışmaq lazımdır" kimi xoş sözlərə.
Şablonlardan uzaqlaşmışdım, sənin "O" olduğunu dərk edəndə.
Ya da ki, hamıdan fərqli "sən get, mən otururam" deyib məni tərk edəndə.
Sənin deyərək-gülərək keçirdiyin günlərdə,
Mən hələ də "necəsən?" soruşanlara cavabda deyirəm
"Belə də". ("Belə də")

Əgər sən qarşılıqlı məhəbbətsiz sevirsənsə, yəni sənin sevgin bir sevgi olaraq cavab sevgisi doğurmursa, bir sevən adam kimi sən həyati təzahürünlə özünü sevdirə bilmirsənsə, onda sənin sevgin gücsüzdür. Və bu bədbəxtlikdir.

Nəqarət (Ayka):
Tərk etdiyin o yerdə tək
Hər gün eyni ümidlə gözləyərək.
Tərk etdiyin o yerdə tək
Hər gün eyni ümidlə gözləyərək.
O dönəcək

O dönəcək