Текст песни Vico vasto - Peppe Barra

Passa 'na vita, ne passano doje
E 'o vico Vasto nun m' 'o scordo maje
Nce steva 'o guappo, 'o Capintesta
E Paziella... ca venneva 'e pazzielle
'O figlio d' 'a Madonna
Recchie 'e Nailòn
Nucchettella, 'a Nevaiola, Culanterra
'O Pazzo, 'o Chiattochiatto
Chillo ca venneva 'e lipine
Se chiammava Pisiello
Pisiello seggia 'n mano e sbarra 'e fierro
Faceva 'a guerra a Pascale 'o Bello
'A cchiù piccerella d' 'e Tre Vicchiarelle
Durmeva int' a' 'na connolella
E mammà cantava
Int' 'a casa cantava

Mezz' annura, 'na guagliona
Sotto 'o sole, s'asciuttava 'e capille
E mammà cantava
Int' 'a casa cantava, cantava
Diceva 'a nonna: "Chesta e' a vita
'A vita è chesta
N'affaciata 'e fenesta"

'Na voce?
Che d'è? Che d'è? È 'na voce?
A voce d' 'e guarattelle
Pulecenella, 'o Diavolone, 'a Morte
'A Guardia, Culumbrina, 'o Boia
Tucchete tucchete, tuculiavano 'e cape
Tucchete tucchete, tucchete tucchete...

Finita 'a festa
'O viecchio d' 'e guaratelle se ne jeva
'Ncopp' 'e spalle, tutto 'nu triato
E io 'o guardavo e sunnavo
Tucchete tucchete
Me jucavo 'o cerviello
E sunnavo e pensavo
Tucchete tucchete, tucchete tucchete...
Vulesse addeventà 'na guarattella!