Текст песни Core a core - Peppe Barra

'Stu core se traveste ogne mumento
Comme si stesse 'ncopp'a 'nu triato
Addò, quanno l'attore s'è truccato
Pò fa' qualunqua parte 'e sentimento
Mò sta facenno 'o monaco 'e cunvento
Zitto e cujeto, e s'è murtificato
Ma, si se secca 'e 'stu travestimento
Se 'nfila 'na sciammeria e pare n'ato
Ha fatto 'o guappo, ha fatto 'o cammurristo
'O cavalier servente, 'o gran signore
Sempe recetajuolo e sempe 'nzisto
Ma che ne caccia? E che farrà dimane?
Si succedesse, arrassusia, ca more
Jesse certo a fernì 'mmocc'a 'nu cane